Dalili za Kutaka Kujifungua; Dalili za mwanzo za uchungu wa kujifungua;Unajuaje wakati wa kujifungua mtoto umefika?;Unajisikiaje kabla ya leba?
Kujifungua ni tukio muhimu na la kusisimua katika maisha ya mwanamke. Ni muhimu kwa mama mjamzito kujua dalili za awali za kujifungua ili aweze kuchukua hatua zinazofaa kwa wakati. Hapa kuna baadhi ya dalili kuu za kutaka kujifungua:
1. Maumivu ya Mgongo na Kiuno
Wajawazito wengi hupata maumivu haya kutokana na ongezeko la homoni ya relaxin ambayo hulegeza nyonga kwa ajili ya kuhakikisha kuwa mtoto anaweza kupita kwenye nyonga.
2. Mtoto Kushuka (Lightening)
Kuanzia wiki ya 32, mtoto hushuka kwenda kwenye nyonga tayari kwa ajili ya kuzaliwa. Hii inaweza kusababisha mama kuhisi mabadiliko katika shinikizo la tumbo.
3. Kukojoa Mara kwa Mara
Baada ya mtoto kushuka, mjamzito huanza kupata dalili za kukojoa mara kwa mara kutokana na kibofu cha mkojo kugandamizwa na sehemu ya mtoto.
4. Kuchoka na Kukosa Usingizi
Maumivu na kukojoa mara kwa mara hupelekea mjamzito kukosa usingizi wa kutosha, hivyo muda mwingi huwa na uchovu.
5. Kupasuka kwa Chupa ya Maji
Hii ni dalili ya wazi kwamba leba imeanza. Maji kutoka huashiria kuwa mama yupo tayari au anakaribia kujifungua.
6. Maumivu ya Tumbo na Mgongo
Maumivu haya huanzia mgongoni na kushuka chini ya kiuno na kwenda moja kwa moja tumboni. Hii ni dalili kwamba uchungu wa kujifungua umeanza.
7. Kutoka kwa Damu
Kutoka kwa damu ndani ya uke ni dalili nyingine ya kwamba leba imewadia. Hii hutokea wakati mlango wa kizazi unapoanza kufunguka.
8. Kichwa cha Mtoto Kushuka
Kichwa cha mtoto kushuka zaidi kuingia kwenye nyonga ni kiashiria kwamba mtoto yupo karibu kuzaliwa.
9. Kupata Maumivu ya Contractions
Contractions ni maumivu ya kuvuta au kukaza sana mara kwa mara na kuachia. Kadri contractions zinavyotokea karibu karibu, ndivyo na kujifungua hukaribia.
10. Kujisikia Kujisaidia Haja Kubwa
Kutokana na maumivu kwenye pelvic pamoja na shinikizo kubwa, mama mjamzito huweza kujisikia kujisaidia haja kubwa.
pia soma Upungufu wa damu kwa wajawazito( Anemia in pregnancy).
Unajuaje wakati wa kujifungua mtoto umefika?
Kujua wakati wa kujifungua mtoto umefika ni muhimu kwa afya ya mama na mtoto. Hapa kuna dalili kuu za kujua wakati huo umefika:
- Mikazo ya mara kwa mara: Mikazo ya kweli ya uchungu wa kujifungua huwa na nguvu zaidi, mara kwa mara, na haziishi unapobadilisha mkao au kufanya shughuli nyingine.
- Kupasuka kwa chupa ya maji: Hii ni dalili ya wazi kwamba wakati wa kujifungua umefika. Maji yanaweza kutoka kwa kasi au polepole.
- Maumivu ya mgongo na tumbo: Maumivu haya yanaweza kuwa ya mara kwa mara na kuongezeka kwa nguvu.
- Kutoa damu nyepesi: Kutoa damu nyepesi au ute mwekundu ni dalili kwamba mlango wa kizazi unaanza kufunguka.
Ni muhimu kuwasiliana na mtaalamu wa afya mara tu unapohisi dalili hizi ili kupata ushauri na msaada unaohitajika.